ಕವಿ: ಗ್ರೀಟಿಂಗ್ಸ್

ಗ್ರೀಟಿಂಗ್ಸ್

ಬೆಳದಿಂಗಳ ಬಾನ ಚೆಲುವೆ!!

ನೋಡ ಬೇಕು ಬೆಳದಿಂಗಳ,
ಎಷ್ಟು ಸುಂದರ ಬಾನಿನಂಗಳ!

ಬಾನ ಚೆಲುವೆಯ ಹಣೆಯ ಮೇಲೆ-
ಆ ಚಂದಿರ ನಾದ ಸಿಂದೂರ,
ತಾರೆಗಳೆಲ್ಲ ಬಾನಚೆಲುವೆಯ ವೈಡೂರ್ಯ!

ನೋಡಲು ನಿಂತರೆ ಬಾನಚೆಲುವೆಯ,
ಮರೆಮಾಡಿ ನಿಲ್ಲುವ ಮೋಡದೊಡೆಯ!
ಅವನಿಗು ಆಸೆ ಇದೆಯ!

ತಂಗಾಳಿಯ ಸ್ಪರ್ಶಕೆ - ಮೈ ಮಂಚ ಕಾದಿದೆ.
ಬಿಸಿಯುಸಿರ ನಾದಕೆ - ಎದೆ ಡಂಗೂರ ನುಡಿದಿದೆ.
ಮನದ ಅಂಗಳಕೆ - ಸಂತಸ ತುಂಬಿದೆ.

ಅಲ್ಲಿ ನಾ ಏಕಾಂಗಿ - ನೋಡಿದೆ ಮೋಡದಣ್ಣನ ವಿವಿದ ಭಂಗಿ!
ಮರೆಯಲಾಗದು ಆ ಸುಧಿನ,ಮತ್ತೆ ಮತ್ತೆ ನೋಡ ಬಯಸಿದೆ ಎನ್ಮನ!

ನನಗೆ - ನನ್ನ ಪ್ರೀತಿಗೆ - ನನ್ನ ಪ್ರಶ್ನೆಗೆ : ನೀನೊಬ್ಬಳೆ ಉತ್ತರ ಕಣೆ !

ತಿಳಿದೊ, ತಿಳಿಯದೆಯೋ... ಪ್ರೀತಿಸಿ ಬಿಟ್ಟಿದ್ದೇನೆ. ಹೇಳಿಕೊಳ್ಳಲಾಗದೆ ಕೊರಗುತ್ತಿದ್ದೇನೆ. ಈ ಪ್ರೀತಿ ಅನ್ನೋ... ಜೇಡರ ಬಲೆಯಲ್ಲಿ ಸಿಕ್ಕಿ ನರಳುತ್ತಿದ್ದೇನೆ. ಈ ಪ್ರೀತಿ ಮಾಯೆಯ ಸುಳಿಯಲ್ಲಿ ಸಿಲುಕ್ಕಿದ್ದೇನೆ. ನನ್ನದೇ ಆದ ಸುಂದರ ಭಾವನೆಗಳಿಗೆ ಭಾರವಾಗಿದ್ದೇನೆ. ಅವಳ ಮಿಲನದ ಕ್ಷಣಕ್ಕೆ ಕಾದು ಬಸವಳಿದಿದ್ದೇನೆ. ಒಂಟಿಯಾಗಿದ್ದೇನೆ. ಕನಸು ಕಾಣುತ್ತಿದ್ದೇನೆ. ನನ್ನ ಪ್ರೀತಿಗೆ ಧೈರ್ಯವಿಲ್ಲವೆಂಬ ಕೊರಗಿನಲ್ಲಿದ್ದೇನೆ. ನನ್ನೊಳಗೆ ಉಕ್ಕುವ ಹೃದಯದ ಮಾತಿಗೆ ತಲೆದೂಗಿದ್ದೇನೆ. ಅವಳಿಗೊಂದೂ.... ಹೇಳದೆ ತಳಮಳದಲ್ಲಿದ್ದೇನೆ. ಹೀಗೆ ಕಳೆದ ದಿನಗಳು, ತಿಂಗಳು, ವರುಷಗಳೆಂದು ನೆನೆದು ಕಣ್ಣಲಿ ಕಂಬನಿಯು ತರಿಸಿದ್ದೇನೆ. ಈ ಪ್ರೀತಿಯ ಹುಚ್ಚೆದ್ದು ನನ್ನೊಳಗೆ ಕಿಚ್ಚಾಗಿದ್ದೇನೆ. ಅವಳ ನೋಡುವ ಸಲುವಾಗಿ ದಿನವೆಲ್ಲ ಕಾದಿದ್ದೇನೆ. ಸಿಕ್ಕಾಗ ಮಾತಿಗಿಳಿದಿದ್ದೇನೆ - ಕುಶಲವೆ? ಕ್ಷೇಮವೆ? ಎಂದು!. ಆದರೆ ನನ್ನ ಪ್ರೀತಿ ಮಾತಾಗಲೆ ಇಲ್ಲ, ಮುಖದ ಭಾವನೆಗಳು ಅವಳಿಗೆ ತಿಳಿಯಲೇ...ಇಲ್ಲ. !

ಬೆವರಾಗಿದ್ದೇನೆ. ಮಾತೆ ತೊದಲಿಸಿದ್ದೇನೆ. ಸಿಕ್ಕ ಸಮಯದಲ್ಲಿ ಗೆಲುವೇ...ಇಲ್ಲದೆ ಸೋಲುಂಡಿದ್ದೇನೆ. ವಿರಹ, ವೇಧನೆ, ವಿಶಾದ, ಕಹಿ, ಛೇ....! ಎಲ್ಲದರ ಅನುಭವ ಕಂದಿದ್ದೇನೆ. ಅಂತರಂಗದ ಕೂಗು ನಿನ್ನದೇನೆ. ಮಿಡಿತ, ತುಡಿತ, ಜಪ, ತಪ, ಎಲ್ಲವು ನಿನ್ನದೇನೆ. ಇದೆಂತ ಹುಚ್ಚು ಪ್ರೀತಿಯೋ.. ಗೊತ್ತಿಲ್ಲ ಕಣೆ. ನಿನ್ನ ಸೆಳೆತವಿರದ ಕ್ಷಣ-ದಿನಗಳಿಲ್ಲ ಕಣೆ. ಇದೆಲ್ಲ ನನ್ನೆದೆ ಆಳದಿಂದ ಉಕ್ಕುತಿರುವ ಮಾತು ಕಣೆ. ನಂಬು ನನ್ನಾಣೆ. ದೇವರಾಣೆ. ಪ್ರೀತಿಮೇಲಾಣೆ. ನೀ ಸಿಗದ ಹೊರತು ಬದುಕು ಬರಡು ಕಣೆ. ನಿನ್ನ ಕರುಣೆಗೆ ನಿನ್ನ ಪ್ರೀತಿ ಹನಿಗೆ, ಜನುಮವೆಲ್ಲ ಕಾಯಿಸಬೇಡ ಕಣೆ. ಮನಸು ಕರಗಿತೇನೆ? ಇಷ್ಠೆಲ್ಲವಾದರು ಇಷ್ಠವಿಲ್ಲವೆನ್ನಬೇಡ ಕಣೆ. ಇಷ್ಠು ಪ್ರೀತಿಸುವವರು ಯಾರು ಹೇಳೆ. ಜೀವವೆ-ಜೀವನವೇ... ನಿನಗೋಸ್ಕರ ಮುಡಿಪು ಕಣೆ. ಅಳಿವು, ಉಳಿವು ನಿನ್ನ ಕೈಲಿದೆ ಕಣೆ. ಬತ್ತಿದೆ ನನ್ನೆದೆಯ ಮಾತು. ಮುಗಿಯದ ಪ್ರಶ್ನೆಗಳಿಗೆ, ನನಗೆ, ನನ್ನ ಪ್ರೀತಿಗೆ - ನೀನೊಬ್ಬಳೇ ಕಣೆ ! !.

ಇದಂ ಪ್ರೇಮ ಪತ್ರ

ಉರುಳಿ ಪೋದ ದಿನಗಳಂ ನೆನೆನೆನೆದು,
ನೆನಪಿನಂಗಳದಿ ನೀ ಬಂದು, ಏಕಾಂತದಿಂ ನಾ ಪಿರಲು,
ಗೆಳತಿ-ನುಸುಳಿ ಪೋಗಿತಿನ್-ಚಿಲುವೆನ್ನೆದೆಗೆ ಮಿಂಚಿಳಿದು!!

ನೆನಪುಗಳಿಂದಿಧಿನ, ಬಂದೊಡನೆಯಂ ನಾ-
ಕರೆಯೊಲೆಯಂ ಪಿಡಿದು, ಬರೆದಿರ್ಪೆ ಇದು ಪ್ರೇಮದೊಲೆ!!

ಒಲವ ಮಾತುಗಳಂ, ನವಿಲ ನಡೆಯಂ,
ಚೆಲುವ ರೂಪಂ, ನೋಟಧೂಬಾಣಗಳಂ,
ಎದೆಯ ಕದತೆರೆದಿಂದೆನಗೆ ಮನಸಾಯಿತು!!

ಓದು ಬಾಲೆ ನೀ ಸಿಡುಕದೆ, ಇದಂ-ಪ್ರೇಮದೋಲೆಯೆಂದೊಗೆಯದಿರಿದರೊಳಗಿರ್ಪೆನ್ನ,
ಮನದಾಳದಿಂಗಿತವಂ ತಿಳಿಸಿರ್ಪೆನಷ್ಟೆ!!

ಪೇಳು ನೀ ಯೌವ್ವನಧಿ ಮಿಂದಿರ್ಪ-
ಎಲ್ಲರೊಳಗೊಂಧೀ ಪ್ರೇಮದುಳು ಕಾಡಿಪುದಲ್ಲವೆ?!!

"ಅಂದು ನಾ ಸ್ನೇಹದಿಂದಿರ್ಪೆ ಎಂದು,
ನೀ ಮೋಹಿಸುರುವೆಯಾ..ಮೂರ್ಖ!"
ಎಂದೆನ್ನ ಪೇಳದಿರು.!!

ಮನದೊಳಗಿಳಿದಿರ್ಪ ಈ ಆಸೆಯಂ-
ತಿಳಿಸಿರ್ಪೆನಷ್ಟೆ, ಓದಿ ಮರುಗದಿರು!!

ಪ್ರೇಮದೆಣ್ಣೆಯಂ ಮನದ ದೀಪಕೆ ಸುರಿದಿರ್ಪೆ!
ಓದಿತೆಲ್ಲಾನು ಮೆಚ್ಚಿ, ಮನದೊಳಗಿಳಿದಿರ್ಪೆ ನಾ-
ತಡಮಾಡದೆಂತೆಂದು ಮನ ಬೆಳಗು!!

ಕ್ಷಮಿಸೆನ್ನ ಗೆಳತಿಯೇ-
ಬಾಳು ಬರಡಾಗಿಪುದು,
ಆಸೆಯಂ ಚಿಗುರೊಡೆದೆನ್ನಾಳದಿ ಕಾಡುತಿಪುದು!!

ಇದೋದಿದೊಡೆ ಕಡುಕೋಪದಿಂ ಎನ್ನ ತೆಗಳದಿರು,
ಬೇಸರದಿ ಗೆಳೆತನವಂ ಚಿವುಟದಿರು,
ಎಂದಿಗೂ ನಿನ್ನ ಬಾಳ ಹಾದಿಯಲೆಂದೂ-
ಬರಲಿಚ್ಚಿಸದಿರುವೆನ್ನ ಕ್ಷಮಿಸಿ, ನಿನ್ನಾಸೆಯಂ ಪೇಳು-
ನಾ ಪೂರೈಸುವೆ ಎಂದು ವಚನವಂ ಕೊಡುವೆ,

ಬಾಳು ಬದುಕಲ್ಲಿ ನೀ ಎಂದೆಂದು ಬೆಳಕಾಗಿಯೇ!!!!

ಪ್ರೇಮಾಂಮೃತದ ಬಿಂದುವದು!?

ಅಮೃತದ ಬಿಂದುವದು, ಆಗಸದಿ ಬರುತಿರಲು,
ಎದೆಯ ಬಗೆದೆನ್ನ, ಹೃದಯ ಚಿಪ್ಪಿನೊಳು ಬಂದಿಸಿಡುವೆ,
ಅದು ಬರಿ ಮುತ್ತಲ್ಲ, ಬಾಳ ಹೊನ್ನು!!

ಹೊಳೆವ ಮಿಂಚೊಂದು ಆಗಸದಿ ಮೂಡಿ,
ಅಬ್ಬರದ ದನಿ, ಗುಡುಗು ಬಡಿದು,
ಎದೆಯೇ ಜಲ್ಲೆಂದಿತು, ಎಂತಾ ವಿಸ್ಮಯ!

ಲೋಕದ ಬೆಳಕೆ, ಮರೆಯಾಗಿ, ಮೋಡದಿಂದೆ!
ಮುಸುಕು, ಮಬ್ಬು, ಝರಿ ಮಳೆಯು!!

ಅಮೃತದ ಬಿಂದುವ ಪಡೆಯಲು ಅಷ್ಟು ಸುಲಭವೆ!!
ಜೀವನವೇ ಮುಡಿಪಾಗಿಟ್ಟು ಕಾಯುತಿರುವೆ.!

ಒಂದೊಂದು ಮಳೆಹನಿಯು,
ಗಾಳಿಯ ತೂಗುಯ್ಯಾಲೆಯ-ಬಲೆಗೆ ಸಿಕ್ಕಿ ಚದುರುತಿಹುದು!!

ಎಲೈ ಗಾಳಿಯೆ ನೀ ಸ್ವಲ್ಪ ನಿಲ್ಲು !?
ಎಲೈ ಮೋಡದೊಡೆಯಾ ಅಮೃತ ಬಿಂದುವ ಕಳಿಸು !?
ಎಲೈ ಮಳೆಯೇ ನೀ ದೂರ ಸರಿ !?

ಬೊಬ್ಬೆಯಿಟ್ಟರೂ ಕೇಳಿಸದವಕೆ !!!?

ನೊಂದ ಮನವಿದುವೆ, ಕಾದು ಸಾಕಾಗಿ,
ಬಳಲಿ ಬೆಂಡಾಗಿ, ಹರಿದು ನೀರಾಗಿ,
ದು:ಖದ ಅಲೆಯೆಲ್ಲ, ಕಣ್ನ ಅಂಚಲಿ ಹನಿಯಾಗಿ,
ಮಳೆಯ ಜೊತೆಯಾಗಿ ಹೋದರೂ......
ಅಮೃತದ ಬಿಂದು ಹೃದಯ ಚಿಪ್ಪಿನೊಳಿಳಿಯಲಿಲ್ಲ!!

ಯಾವ ಪಣ ತೊಟ್ಟರಾ.. ಮುತ್ತಪಡೆಯಲು ಸಾಧ್ಯ?
ಒಂದೊಂದು ದಿನ ಕ್ಷಣವು ಎಡೆ ಬಿಡದೆ ಕಾಯುತಿಹೆನು!!
ಅಯ್ಯೋ........ಅದೋ........ಮೋಡವೆಲ್ಲ ಚದುರಿ,
ಮರೆಯ ನೇಸರನ ಕಿರಣಗಳು ಬಂದಿಳಿಯುತಿಹುದು!!!

ಇಂದೂ...... ಸಿಗಲಿಲ್ಲ, ಅಮೃತದ ಬಿಂದು!
ಬರದಿರದೆ ಮತ್ತೆಂದು ?
ಆತ್ಮ ದೇಹವಗಲುವತನಕ ಕಾಯುವೆ,ಬಿಡೆ ನಾ... ಅದನೆಂದು!!!

ಹೊಸ ಮಿಂಚು ! ಹೇಗಿದೆ ಹೇಳಿ ಈ ಸಂಚು !

1) ಮೊದಲು ನಿನ್ನ ಕಂಡಾಕ್ಷಣ; ಮತ್ತೆ ನೋಡುವ ಬಯಕೆ.
ಮೊದಲ ಸಲ ಕಂಪ್ಯೂಟರ್ ಕಂಡಾಗ-ಇಳಿದಂತೆ ನಾ ಹೊಸ ಪ್ರಪಂಚಕ್ಕೆ!

2) ನಿನ್ನ ನನಪಲ್ಲಿ ಹೊಸ ಕಲ್ಪನೆಗಳು ಹರಳುತ್ತವೆ.
ಇಂಟರ್ ನೆಟ್ ನಲ್ಲಿ, ಬೇಕಾದ್ದು ಸಿಗುತ್ತವೆ.

3) ಯಾಕೊ ಇಂದು ನೀ ಕಾಣಲಿಲ್ಲ,ಮನಸು ತಳಮಳದಿಂದ ಹ್ಯಾಂಗ್ ಆಯ್ತು.
ಕಂಟ್ರೋಲ್ + ಆಲ್ಟ್ + ಡೆಲಿಟ್ ಪ್ರೆಸ್ ಮಾಡಿ,ಎಂಡ್ ಟಾಸ್ಕ್ ಮಾಡ್ದೆ, ಕೇಳಲಿಲ್ಲ,ಶಡೌನ್ ಮಾಡಿಬಿಟ್ಟೆ.

4) ಆ ನಿನ್ನ ಮಾತಿನಲ್ಲಿ ಅದೆಂತ ಇಂಪಿದೆ.
ಕನ್ನಡಆಡಿಯೋ ಡಾಟ್ ಕಾಂ ನಲ್ಲಿ, ಸಾಯೊಗಂಟ ಕೇಳೊ ಹಾಡಿದೆ.

5) ಹೃದಯದಲ್ಲಿ ನಿನ್ನ ಪ್ರೀತಿ ಬಿಟ್ಟರೆ ಏನಿಲ್ಲ.
ನನ್ನ ಸಿಸ್ಟಮ್ ನಲ್ಲಿ ಬೇರೆಯಾವ ಫೈಲ್ ಗು ಸ್ಪೇಸ್ ಇಲ್ಲ!

6) ಮೊದಲ ಸಲ ನಾ ನಿನ್ನ ಮಾತಾಡಿಸಿಬಿಟ್ಟೆ.ನೀ ನನ್ನ ಗುರಾಯಿಸಿ ಬಿಟ್ಟೆ!ಕಂಪ್ಯೂಟರ್ ನಲ್ಲಿ ಮೊದಲ ಸಲ ನಾ ಕಂಡ: 10-Errors 20-Warnings.

7) ನಿನಗೋಸ್ಕರ ಎಸ್ಟೆಲ್ಲ ಮಾಡ್ತೀನ್ ನಾನ್ ಟ್ರಿಕ್ಸು,
ಆದರು ಸಿಸ್ಟಮ್ ನಲ್ಲಿ ಸೇರಿಬಿಡುತ್ತೆ ವೈರಸ್ಸು!

8) ನಿನಗೇಳೊ ಎಷ್ಟೊ ವಿಷಯಗಳನ್ನು ಡೈರಿಯಲ್ಲಿ ಬರೆದಿಡ್ತೀನಿ.
ಮೈಕ್ರೊಸಾಪ್ಟ್ ವರ್ಡ್ನಲ್ಲಿ Key Board ನೋಡ್ದೆ,ಟೈಪ್ ಮಾಡೋದ್ ಕಲ್ತಿದ್ದೀನಿ!

9) ನಿನಗೆ ತಲುಪಿಸ ಬೇಕೆಂದಿರುವೆ ಲವ್ ಲೆಟರ್,ಪ್ರತಿಯೊಂದು ಅಕ್ಷರವು ಸೂಫರ್,
ಕಂಪ್ಯೂಟರ್ ನಲ್ಲಿ ಕನ್ನಡ ಬರಹಾಂಶವಿದೆ,ನಿನ್ನ ಪ್ರೀತಿಯ ಅಕ್ಷರಗಳೆಲ್ಲ, ಕನ್ನಡದಲ್ಲಿ ಪ್ರಿಂಟಾಗಿದೆ.

10) ಮೊದಲ ಸಲ ಪತ್ರ ನಿನ್ನ ಕೈಸೇರಿತು,ಮರುತ್ತರ ಬರದಂತಾಯಿತು.?!ಮೊದಲ ಸಲ Data Install ಮಾಡಿದೆ,Serial No: ಕೇಳಿತು!?ಅನುಭವ ಎರಡಕ್ಕು ಕಡಿಮೆ ಎಂದು ಗೊತ್ತಾಯಿತು.!!!!!!!!!!!